دعروم والشيخ رعامان يقفون بالقرب
من الحلاق ينتظرونه .. حتى يفتح بعد الصلاه
دعروم يقول للشيخ : ياولد وش ودك
اسوي سكسوكه ولا عارض ؟؟
الشيخ: انا من رأيي سكسوكه ..!!
دعروم: سكسوكه سوكسوكه ..
وذاك الي واقف وراهم همامي ساحبين
عليه ههههههههههه
وبعد ان حلق دعروم لبس الطاقيه
ابو سيفين ونخله
.. وذهب مع الشيخ رعامان ..الى ان وصلو عند غنم انساب المستقبل ...
وماهي الا دقيقه واذا بأخي الحريوه .. يسحب الجوالين .. ويقف بالقرب من دعروم و ولد خواله ....!!
شجابكم عند غنمنا ..؟؟
دعروم : الله يبقيك
>> امالدخله ياولد
رعامان : ابد ياطويل العمر والله
انه ما يجيلنا وانك ما تذبح الخروف ذياك < يمد صبعه صوب الغنم
حن عجلين بلا جينا نبغاك في
موضوع ومستحين منك ..
خشمان(اخي الحريوه) : دجاج ماني
ابايعكم غير تزالجو ..
رعامان : ياخوي الموضوع اكبر من
الدجاج < يغمز لدعروم
دعروم : يطيح ويطلع لسانه يعننه ميت ههههه
<<<<<<<<< اشهد إن ذا يحب من قلب ورب ..
رعامان : مثل ما انت شايف
دعروم قدهو بيموت .. عليك الله وامانه مهو يذوق النوم
واليوم ياطويل العمر حن جايين نخطب في
قزه لدعروم ويعلم الله انكم احب من يسير ....
((خشمان يرقع الحذي ويقترب من
الشيخ بشده ))
: بلعن امك لازد سمعتك تكلم في العوايل ....
وما هي الا لحضات حتى ينهض دعروم
قائلاً : بعطيك دجاجي كل إبيه ..!!
هنا تقف العبرات في الحلوق وتصرخ الافواه
وتنتثر الدموع خوفاً من ما حصل
رجع دعروم للبيت حاملاً(ن) على
اكتافه ضعون خيبات الامل قائلاً ..
بالعون ودّي بقربه غير عـيّو به=ولولاه
ما غسلو قبل اللقاء ثوبي
لا واهني من يقدّى للغضي نوبه=وهيّو
به اهله وقام بكل ماجوبي
مهو بمثلي يدِن الضيق مركوبه=يرقى
الطويله وضلع الجاش ملهوبي
ونتيجه لما حصل من حوار(ن)
عنيف قَل لقاء .. ما وراء الاحوشه ..
ومرت الايام والليالي ..
وساءت حالت دعروم .. حتى انه مرض
مرضاً(ن) شديد ..
وماهي الا ايام قليله حتى يصل
دعروم خبر زواجها من ابيها وقد ارسلت له
من يخبره واخبرته بأنها
تزوجت مغصوبه ...
حزن دعروم حزناً(ن) شديداً(ن) ..
وساءت حالته .. وفي الآخر رُوي ان دعروم
لُقي مطروحاً(ن) امام
منزل حبيبته ميتاً(ن) وقد كتب على
احد جدران منزلهأ ..
قولو لها بِنْ الممات اهون ولا
بعض الحيات=البعد يجرح والقلوب صخاف والدنيا ردى
يبقى اللقاء بيني وبينه عند بيبان
الممات=ودرب الحياه اللي نهاه البعد من موتي بدى
نرحل ويبقى يعدنا صوت وصدى للذكريات=ويكفيني
انه باقيٍ(ن) لي في وسط قلبه صدى
وقولو لها من بعد موتي كانها قَد
الوصات=تسقي ثرى قبر المودّع من مدامعها ندى
يانعى وجهي يادعروم .....!!
احداث الحلقه القادمه
......................!!
( انتو رازين وجيهكم تبغون دعروم
يحيا مره ثانيه )
معاد فيه دعروم وخلصت الحلقه الاخيره وبكى الجميع ..
العمل/الترفيه